Litir, form og leikur. Í boði 17. maí - 13. ágúst

Tveimur fræðsluleiðum safnsins blandað saman í fjölbreytta dagskrá fyrir leikskólabörn

Í heimsókninni er blandað saman fræðsluleiðunum okkar tveimur fyrir leikskóla annars vegar „Litir og form“ og hins vegar „Komdu að leika“. Fyrri hluta heimsóknarinnar er útiveran í fyrirrúmi þar sem hópurinn röltir um svæðið og skoðar hin ýmsu form og liti sem finna má á safninu. Seinni hlutann er haldið inn á leikfangasýninguna þar sem krakkarnir fá að leika sér með dót frá ýmsum áratugum 20. aldarinnar.