Ferjan

SUMAR 15. maí - 30. sept - siglt daglega

VETUR 1.okt - 14. maí - aðeins siglt um helgar

Verðskrá - fram og til baka:

^{Miða í ferj­una má kaupa á eft­ir­töldum stöðum:}

• _{^{Gamla Höfnin Ægis­garði miða­sala Elding Hvalaskoðun}}
• _{^{Harpa Tónlistarhús, mót­tökuborð (fyrir ferð kl. 12 geta gestir farið beint um borð í bátinn og greitt þar)}}
• _{^{Viðey miða­sala, Skarfagörðum}}
• _{^{Vefsíða Eldingar.}}

^{Vinsamlegast hafið samband við Eldingu varðandi ferjusiglingar á elding@elding.is.}

^{Vinsamlegast hafið samband á videy@reykjavik.is varðandi leiðsagnir fyrir hópa 10+.}

^{Vinsamlegast hafið samband við Viðeyjarstofu á videyjarstofa@videyjarstofa.is vegna einkasamkvæma.}

Um Eldingu

Elding sér um ferjusiglingar á milli Viðeyjar og Reykjavíkur. Yfir sum­ar­mán­uð­ina eru dag­legar áætlun­ar­ferðir frá Skarfabakka, Hörpu og Ægis­garði. Yfir vetr­ar­mán­uð­ina eru áætlun­ar­ferðir á laug­ar­dögum og sunnu­dögum frá Skarfabakka. Báturinn Gestur er oft­ast not­aður í sigl­ingum yfir til Viðeyjar en Elding hefur einnig yfir að ráða stærri bátum sem not­aðir eru fyrir stóra hópa og/eða vegna við­burða í eyjunni.

Elding, Hvalaskoðun Reykjavík, er fjöl­skyldu­fyr­ir­tæki sem gert hefur út á hvala­skoðun og aðrar ævintýra­ferðir á sjó frá árinu 2000. Frá árinu 2007 hefur fyr­ir­tækið haft samn­ing við Reykjavíkurborg um rekstur Viðeyjar og býður upp á ferju­sigl­ingar þangað. 

Starfsmönnum Eldingar er umhugað um fal­lega og við­kvæma nátt­úr­u í Viðey. Fyrirtækið er vottað af EarthCheck og bátar þeirra bera Bláfán­ann. Árið 2008 hlaut Elding umhverf­is­verð­laun Ferðamálastofu og stöð­ugar fram­farir í umhverf­is­málum eru mik­il­vægur þáttur í starfi fyrirtækisins.

Friðarsúluferðir

Friðarsúluferðinar eru áhuga­verðar kvöld­ferðir helg­aðar Friðarsúlunni og bar­áttu John Lennons og Yoko Ono fyrir heims­friði. Ferðirnar taka tvo tíma með leið­sögn. Gengið er að súl­unni og stoppað á áhuga­verðum stöðum á leið­inni þar sem leið­sögu­maður miðlar upp­lýs­ingum um sögu, nátt­úru og listir í eyj­unni. Styrkur, kraftur og ljómi Friðarsúlunnar tekur mið af veð­ur­fari hverju sinni og ef heppnin er með í för leika norð­ur­ljósin við frið­ar­ljós súlunnar.

Ár hvert er Friðarsúlan tendruð á afmæl­is­degi Lennons, 9. októ­ber, og lýsir hún upp kvöld­him­in­inn til og með 8. des­em­ber en þann dag dó Lennon árið 1980. Þar að auki er Friðarsúlan tendruð frá vetrarsól­stöðum til nýárs, í eina viku í kringum vor­jafn­dægur og á sér­stökum hátíð­ar­dögum sem listakonan Yoko Ono og Reykjavíkurborg koma sér saman um.

Friðarsúluferðir eru í boði:

kl. 20:00 þann 9. október er siglt frá Skarfagörðum í boði Yoko Ono. 
kl. 20:00 frá 10. októ­ber til 8. des­em­ber (á hverju kvöldi).
kl. 18:00 dag­ana 21., 22., 27., 28. og 30. des­em­ber.
kl. 16:00 gaml­árs­dag 31. des­em­ber.
kl. 20:00 18. febrúar.
kl. 21:00 dag­ana 20. til 27. mars (á hverju kvöldi).

Brottfarir frá gömlu höfn­inni í Reykjavík.

Bóka friðarsúluferð.